Region

Ölüm xəbəri yayılan Əhmədinejad ictimaiyyət qarşısına çıxdı - Foto

4 Mart 2026 17:55

Öldüyü deyilən İranın keçmiş prezidenti Mahmud Əhmədinejad ictimaiyyət qarşısına çıxıb. O, haqqında yayılan məlumatları təkzib edib.

Publika.az xəbər verir ki, siyasətçinin sağ qalması qohumları və İran mediası tərəfindən də təsdiqlənib.

Qeyd edək ki, keçmiş prezidentin ölüm xəbəri martın 1-də Yaxın Şərqdə münaqişənin kəskinləşməsi, ABŞ və İsrailin İrana qarşı kütləvi hücumları başlayanda yayılıb. Əhmədinejadın ölümü ilə bağlı şayiələr tez bir zamanda sosial mediada və bəzi "Telegram" kanallarında yayılıb.

İranın "Xəbər-e Fouri" xəbər agentliyi Əhmədinejadın qohumlarına istinadən onun ölümü ilə bağlı bütün xəbərləri yalan adlandıran bir bəyanat yayıb: "O, sağdır!"

Daha sonra siyasətçinin sağ qalması ilə bağlı İranın digər media orqanlarında məlumatlar yayılıb.

Xatırladaq ki, Mahmud Əhmədinejad 2005-ci ildən 2013-cü ilə qədər İran prezidenti vəzifəsində çalışıb. O, beynəlxalq səviyyədə İsrail və ABŞ-a qarşı sərt ritorikası ilə tanınır.

Adəm