Avropa Birliyi daxildən dağılır: Çinin səssiz həmləsi

Çinin internet mağazalarında sifarişlərin sayı kritik həddə çatıb və bu, Aİ orqanlarının narahatlığına səbəb olub.

Publika.az xəbər verir ki, bu barədə "RİA Novosti" məlumat yayıb.

Nəşrin yazdığına görə, Avropa onlayn platformaları məhkəmə və cərimələrlə hədələmək yolu ilə öz bazarını qorumaq niyyətindədir. Qeyd olunur ki, alıcılar birbaşa Çindən mal sifariş etməyə üstünlük verirlər ki, bu da "Shein" və "Temu" kimi şirkətlərin satışlarının artmasına səbəb olur. Bu, Fransa pərakəndə satış şirkətləri arasında narahatlıq yaradır, çünki onlar rəqabət qabiliyyətini itirirlər. Bəzi narahatlıqlara baxmayaraq, onlayn ticarət böyüməyə davam edir və pərakəndə satışın ənənəvi formalarını təhdid edir.

Çindən yüksək sifariş həcmləri bazarın Çin təchizatçılarından asılılığını vurğulayır. Çin şirkətləri aşağı əmək xərcləri və inkişaf etmiş çatdırılma sistemi sayəsində dünya bazarında qiymətləri diktə edir ki, bu da onlayn ticarətin uğuruna və Avropa brendlərinin iflasına səbəb olub.

Qeyd olunur ki, Avropa ölkələri ABŞ-ın yeni tarifləri, Asiya tədarükçülərinin təzyiqi, Çində işçilərin istismarı ilə bağlı araşdırmalar və tərkibində təhlükəli kimyəvi maddələr olan saxta malların satışı ilə bağlı daha yüksək idxal xərcləri də daxil olmaqla bir sıra problemlərlə üzləşib.

Məlumata görə, Fransanın Büdcə, İctimai Hesablamalar və Mülki İdarəçilik Nazirliyi də “hər bir kiçik bağlamanın işlənməsi üçün ödəniş mexanizminin Avropa səviyyəsində sürətlə tətbiq edilməsində” təkid edir.

Adəm