İnsan yeyən canavarlar ölkəni qorxuya salıblar: 12 saat ərzində 5 nəfərə hücum ediblər

Hindistanın Uttar Pradeş ştatında insan yeyən canavarlar 12 saat ərzində 5 nəfərə hücum edib.

Publika.az xəbər verir ki, bu barədə “The Times of India” məlumat yayıb.

Sentyabr ayında üç həftə ərzində canavarların altı nəfəri - dörd uşaq və bir qoca cütlüyü parçalayıb. 20-dən çox insan yaralanıb.

Gecə saat 03:00 radələrində canavar yatmış 40 yaşlı qadına hücum edib. Bir neçə saat sonra vəhşi canavarlar biri 4, digəri 13 yaşında olan iki qıza hücum edib. Daha sonra yırtıcı yeddi yaşlı qızın üzərinə atılaraq onun boynunu dişləyib. Növbəti hücumda dörd yaşlı uşaq yaralanıb. İnsanlar həyəcan təbili çalaraq canavarları qovublar, meşə xidməti isə yaralıları xəstəxanalara çatdırıb. Ən ağır yaralanan isə boyunundan xəsarət alan qız olub. O, müalicə üçün ştatın paytaxtı Laknau şəhərinə göndərilib .

Uttar Pradeş səlahiyyətliləri canavarların axtarışı üçün 20-dən çox meşə mühafizəçiləri və peşəkar atıcılardan ibarət komanda göndərib. Gecələr ərazini yoxlamaq üçün dronlardan da istifadə edilir.

Tural