Venesuela Azərbaycanın qonşusundan siyasi YARDIM İSTƏDİ

"Venesuela, ABŞ-dan gələn təhdidlərlə üzləşsə də, Tehrana birbaşa hərbi dəstək üçün müraciət etməyib, lakin siyasi yardım istəyib".

Publika.az xəbər verir ki, bu barədə İran Xarici İşlər Nazirliyindəki mənbə "RİA Novosti"yə məlumat verib.

“Müxtəlif variantlar müzakirə olunub, lakin Venesuela ABŞ-ın təhdidləri ilə bağlı İrandan hərbi dəstək istəməyib, yalnız İslam Respublikasının siyasi kömək imkanlarını nəzərdən keçirib”, - deyə mənbə Karakasın hərbi yardım tələbi ilə bağlı suala cavab verib.

Sentyabrdan noyabra qədər ABŞ silahlı qüvvələri dəfələrlə Venesuela sahilləri yaxınlığında narkotiklərin daşınması üçün istifadə olunduğu güman edilən katerləri məhv edib. Bununla yanaşı, ABŞ Konqresinin bəzi üzvləri belə əməliyyatların qanunvericilərin əvvəlcədən təsdiqi olmadan keçirilməsinin qanuniliyinə şübhə ilə yanaşıblar.

ABŞ Prezidenti Donald Tramp, narkotik daşımaqda şübhəli bilinən gəmilərə qarşı həyata keçirilən zərbələri şərh edərkən, Venesuelaya dair gələcək planlar barədə birbaşa cavab verməkdən yayınaraq, qəbul edilmiş qərara işarə edib.

Hüseyn İbadlı