Pezeşkian Avropaya xəbərdarlıq etdi: Bundan imtina edin

İran Prezidenti Məsud Pezeşkian Avropa İttifaqını (Aİ) ABŞ-İsrail hərbi əməliyyatlarında hər hansı iştirakdan çəkinməyə çağırıb, qurumun mövqeyini qərəzli və beynəlxalq hüquqa zidd kimi tənqid edib.

Publika.az xəbər verir ki, bu barədə “Tasnim” məlumat yayıb.

Bildirilib ki, Avropa Şurasının prezidenti Antonio Koşta ilə telefon danışığı aparan Pezeşkian ABŞ və İsrailin hücumlarını hüquqi normaların və beynəlxalq prinsiplərin açıq şəkildə pozulması kimi qiymətləndirib.

O vurğulayıb ki, Hörmüz boğazı təcavüzkar dövlətlərlə və onların tərəfdarları ilə əlaqəli gəmilər üçün bağlı qalacaq.

Pezeşkian Avropa ölkələrini İrana qarşı mənfi və qeyri-konstruktiv yanaşmadan imtina etməyə və bunun əvəzinə beynəlxalq hüquqa əsaslanan, konstruktiv əməkdaşlığı təşviq edən siyasət yürütməyə çağırıb.

İranın özünümüdafiə hüququnu təsdiqləyən Pezeşkian bildirib ki, regionda davam edən qeyri-sabitlik, xüsusilə Hörmüz boğazı ilə bağlı vəziyyət, birbaşa ABŞ və İsrailin düşmən hərəkətlərinin nəticəsidir.

Roza