Dünya

Məmdaninin qələbəsi Nyu-Yorku "silkələdi": Yəhudilər silahlanırlar

17 Noyabr 2025 11:45

Nyu-Yorkun ilk müsəlman meri və Fələstin tərəfdarı ritorikası ilə tanınan Zöhran Məmdaninin seçilməsi şəhərdəki bəzi yəhudi dairələri silahlanmağa sövq edib.

Publika.az xəbər verir ki, bu barədə “New York Post” qəzeti məlumat yayıb.

Bildirilib ki, Məmdani seçildikdən sonra şəhərdə silah təlimi və silah daşımaq üçün müraciətlər artıb.

Qəzetə danışan mağaza sahibləri və təlimatçılar tələbin əsasən yəhudi icmalarından gəldiyini söyləyirlər.

Nyu-Yorklu silah təlimatçısı Lens Daşefskinin sözlərinə görə, müraciət edənlərdən təlimi niyə istədiklərini soruşduqda “Məmdani səbəbindən” cavabını alırlar.

Xatırladaq ki, 4 noyabr seçkilərində mer seçilən 33 yaşlı Məmdaninin İsrailin Qəzzadakı müharibəsini "soyqırımı" kimi xarakterizə etməsi ABŞ-dakı İsrailpərəst dairələrin tənqidinə səbəb olub və gənc siyasətçiyə qarşı antisemitizm ittihamları irəli sürülüb.

Roza