İki ildir bunkerdə hazırlanan gizli plan açıqlandı: Rusiyanı vurmaq an məsələsidir

Almaniya Silahlı Qüvvələri şərqdə nəzərdə tutulan cəbhə xəttinə 800 min NATO hərbçisinin yerləşdirilməsini ehtiva edən plan hazırlayır.

Publika.az xəbər verir ki, bu barədə "The Wall Street Journal" məlumat yayıb.

Bildirilir ki, Rusiya ilə müharibə vəziyyətində hazırlanan plan "OPLAN DEU" (alman dilindən tərcümədə "Əməliyyat Fəaliyyət Planı Almaniya") adlanır.

“Onlarla yüksək rütbəli alman zabiti Rusiya ilə gizli müharibə planı hazırlamaq üçün təxminən iki il əvvəl Berlindəki hərbi kompleksə toplaşıb, indi isə onu həyata keçirməyə tələsirlər”, - məlumatda iddia edilir.

Qeyd edilir ki, planda 800.000-ə qədər Almaniya, Amerika və digər NATO hərbçilərinin şərqdə cəbhə xəttinə necə yerləşdiriləcəyi əks olunub. Həmçinin qeyd olunur ki, Almaniya özü yerləşdirmə üçün əsas rol oynayacaq.

Xatırladaq ki, bu yaxınlarda Aİ diplomatik xidmətinin rəhbəri Kaya Kallas bəyan edib ki, Avropa İttifaqı trans-Avropa hərbi nəqliyyat dəhlizlərini Ukraynaya uzatmağa hazırdır və bu o deməkdir ki, bloka daxil olan ölkələr oraya hərbi yardımı daha tez çatdıra biləcəklər.

Adəm