Mask ruslarla birləşdi: Məqsədləri Avropanı dağıtmaqdır

Rusiya Birbaşa İnvestisiya Fondunun (RDIF) rəhbəri Kirill Dmitriev onu və amerikalı sahibkar İlon Maskı Avropanı bölməyə cəhddə ittiham edən Polşanın xarici işlər naziri Radoslav Sikorskiyə cavab verib.

Publika.az xəbər verir ki, Rusiya liderinin xüsusi nümayəndəsinin sözlərinə görə, bu cür bəyanatlar Avropa İttifaqının (Aİ) yüksək vəzifəli diplomatlarının çaxnaşmaya düşdüyündən xəbər verir.

O, Avropa liderlərinə birlik daxilində yaradılan problemləri həll etməyi tövsiyə edib: nəzarətsiz miqrasiya, artan cinayət, sənayesizləşdirmə, şişirdilmiş enerji qiymətləri, iqtisadi tənəzzülün sürətlənməsi və senzura.

“Avropa daha yaxşısına layiqdir. Avropanı yenidən möhtəşəm edin”, - Rusiyalı məmur deyib.

Polşalı nazir amerikalı sahibkarla Dmitriev arasında sosial media mübadiləsini oxuduqdan sonra mübahisə yaranıb.

Həmin yazışmada Mask Avropa dünyasının unudulmağa yaxın olduğuna əminliyini ifadə edib. Dmitriev onun bəyanatı ilə razılaşıb və əlavə edib ki, Avropa İttifaqı indi daha çox “bürokratik canavar”a bənzəyir.

Sikorski daha sonra onları Avropa xalqına hakim olmaq və istismar etmək üçün Avropanı bölməyə cəhd etməkdə ittiham edib. Xarici işlər naziri postuna Avropa İttifaqı ilə nə etmək lazım olduğu ilə bağlı sorğu da əlavə edib. O, iki cavab təklif edib: “təslim olmaq” və ya “Avropanı yenidən möhtəşəm etmək”.

Maskın sosial mediada Avropa Birliyi ilə bağlı silsilə paylaşımları ötən şənbə günü başlayıb. Əvvəlcə iş adamı Aİ-nin ləğv edilməli olduğunu bəyan edib. O, həmçinin “hökumətlərin öz xalqlarını daha yaxşı təmsil edə bilməsi üçün” ayrı-ayrı ölkələrə suverenliyin qaytarılmasına çağırıb, həmçinin qeyd edib ki, birliyin bürokratiyası yavaş-yavaş “Avropanı boğur”.

Mask daha sonra Avropanı "Dördüncü Reyx" adlandırıb.

Həftə sonu Maskın sosial media hesabını izləyən Sikorski bu cür paylaşımlardan sonra iş adamına Marsa uçmağı məsləhət görüb.

“Marsa uçun. Orada nasist salamlarına senzura yoxdur”, - Radoslav Sikorski deyib.

Bu arada Rusiya Təhlükəsizlik Şurasının sədr müavini Dmitri Medvedev də Avropa İttifaqının buraxılması ideyası ilə razılaşıb . Siyasətçi Maskın müvafiq yazısına “Düzdür” şərhini yazıb.

Tural