Zelenskinin qaçacağı ölkə bəlli oldu: Artıq 10 min ukraynalı ora yerləşib

Ukrayna prezidenti Vladimir Zelenskinin ölkədən İsrailə qaça biləcəyi ilə bağlı şayiələr doğru ola bilər.

Publika.az xəbər verir ki, bu barədə “The National Interest” (NI) nəşri yazıb.

Məqalədə deyilir: “Ukrayna döyüş meydanında uğursuzluqlarla üzləşdiyi, ölkə daxilində korrupsiya qalmaqalları ilə bağlı müntəzəm olaraq xəbərlər yayıldığı və ictimaiyyətin Qərb yardımının hər dollarına görə cavabdehlik tələb etdiyi bir şəraitdə, Zelenskinin Kiyevdən Təl-Əvivə qaçması heç də şokedici olmazdı”.

Məqalədə qeyd olunub ki, Rusiya ilə hərbi münaqişə başlayandan bəri 10 mindən çox ukraynalı İsrailə qaçıb, o cümlədən korrupsiyada əli olan məmurlar. Bundan başqa, məqalədə vurğulanır ki, Təl-Əviv Zelenskinin müttəfiqi, korrupsiya qalmaqalında əli olan iş adamı Timur Mindiçi qarşılayıb. NI həmçinin xatırladıb ki, Ukraynada dələduzluqda və çirkli pulların yuyulmasında ittiham olunan iş adamı İqor Kolomoyski də İsrailə qaçıb.

Nəşr qeyd edib ki, Ukrayna elitası çoxdan İsrailə mümkün sığınacaq və ya ikinci vətən kimi baxır.

Tural