ABŞ və Yaponiyadan ƏZƏLƏ NÜMAYİŞİ - Bombardmanıçılar havaya qaldırıldı
Bizi izləyin
Aptekonline

Dünya

ABŞ və Yaponiyadan ƏZƏLƏ NÜMAYİŞİ - Bombardmanıçılar havaya qaldırıldı

Yaponiyanın Özünü Müdafiə Qüvvələri ABŞ Hərbi Hava Qüvvələri ilə birgə aviasiya təlimləri keçirib.

Publika.az xəbər verir ki, təlimlərdə iki ABŞ strategiya bombardmanıçı "B-52H Stratofortress" istifadə olunub.

Təlimlər Yapon dənizi üzərində baş tutub. Onların məqsədi müxtəlif əməliyyat tapşırıqlarını məşq etmək olub. Yapon tərəfdən təlimlərdə üç "F-35B" beşinci nəsil qırıcı və üç "F-15" qırıcı iştirak edib.

Qeyd edilib ki, təlimlər Yaponiyanın ətrafında təhlükəsizlik vəziyyətinin gərginləşməsi ilə əlaqədar keçirilib.

Yapon hərbçiləri vurğulayıblar ki, bu təlimlər zamanı Yaponiya və ABŞ qüvvələri status-kvonu güc yolu ilə dəyişdirməyə cəhdlərin qarşısını almaq əzmini təsdiqləyib və Yaponiyanın Özünü Müdafiə Qüvvələri ilə ABŞ Silahlı Qüvvələrinin hazırlıqlı olduğunu nümayiş etdirib. Onlar əlavə ediblər ki, təlimlər Yaponiya-Amerika alyansının dayandırıcı və cavabvermə imkanlarını daha da gücləndirib.

Hüseyn İbadlı

Oxumağa davam et
Reklam
Reklam

Gündəm

Aptekonline