Dünya

Nəhəng idxalçılar bu qiymətli daşın alışını azaltdılar: Bazarda nə baş verir?

12 Dekabr 2025 17:54

2025-ci ilin ilk doqquz ayında ən böyük almaz idxalçıları bu qiymətli daşların alışını azaldıblar.

Publika.az xəbər verir ki, bu barədə BMT-nin “Comtrade” platforması və milli gömrük agentliklərinin məlumatlarında qeyd olunub.

Bildirilir ki, ABŞ idxalını yarıya endirərək 5,7 milyard dollara endirib. Bu mineralların ən böyük alıcısı hesab edilən Hindistan idxalı üçdə bir azaldaraq 10 milyard dollara endirib.

Belçika üçün azalma dörddə birə bərabər qiymətləndirilir. Yanvar-sentyabr ayları arasında bu ölkə 3,6 milyard dollar dəyərində almaz alıb. Fransa və İtaliyanın almaz idxalı təxminən 30 faiz azalıb.

Eyni zamanda, Böyük Britaniya xarici bazarda bu qiymətli daşların alışını 21 faiz artıraraq 862 milyon dollara çatdırıb.

Proqnozlara görə, dünya 2026-cı ildə almaz qiymətlərinin davamlı olaraq artacağı ilə qarşılaşacaq. Bu tendensiya istehsalın azalması ilə əlaqədar olacaq.

Tural