Dünya

Danimarka və Qrenlandiya ABŞ ilə danışıqlara hazırlaşır

12 Yanvar 2026 16:24

Adanın statusu ilə bağlı gərgin müzakirələr fonunda Danimarka və Qrenlandiya yanvarın 14-də ABŞ ilə danışıqlar aparacaq.

Publika.az xəbər verir ki, bu barədə "Bloomberg" Danimarka mətbuatına istinad edib.

Bildirilir ki, Vaşinqtonda keçiriləcək görüşdə Danimarkanın xarici işlər naziri Lars Lokke Rasmussen və Qrenlandiyanın xarici işlər naziri Viviane Motzfeldt iştirak edəcək.

Həmçinin ABŞ dövlət katibi Marko Rubionun da iştirakı gözlənilir. Buna görə də qeyd olunur ki, ABŞ Dövlət Departamenti görüşün tarixini dəyişdirə bilər.

Kopenhagen ümid edir ki, danışıqlar Vaşinqtonla münasibətlərdə gərginliyi azaltmağa kömək edəcək. Danışıqların səbəbi ABŞ prezidenti Donald Trampın Birləşmiş Ştatların Venesueladakı əməliyyatından sonra Qrenlandiya ilə bağlı verdiyi yeni açıqlamalar olub.

Bu açıqlamalar həm Danimarkada, həm də NATO müttəfiqləri arasında narahatlıq doğurub.

Adəm