Zelenski razılaşmaya hazırdır - Tramp elan etdi
Bizi izləyin
Aptekonline

Dünya

Zelenski razılaşmaya hazırdır - Tramp elan etdi

ABŞ prezidenti Donald Tramp Ukrayna lideri Vladimir Zelenskinin razılaşma əldə etmək istədiyini bildirib.

Publika.az xəbər verir ki, onun jurnalistlərlə bu barədə söhbəti Ağ Evin “YouTube” kanalında yayımlanıb.

“O (Zelenski - red.) razılaşma əldə etmək istədiyini dedi. Biz altı və ya yeddi aydır danışılan məsələləri müzakirə edirik”, - deyə Tramp bildirib.

Bu, Trampın Davosda keçirilən Dünya İqtisadi Forumunda danışıqlar zamanı Vladimir Zelenskinin dedikləri ilə bağlı suala cavabıdır. Lakin ABŞ prezidenti təfərrüatlara varmayıb.

Xatırladaq ki, "The Financial Times" qəzeti Tramp və Zelenski arasında Davosda Dünya İqtisadi Forumu çərçivəsində keçirilən görüşün əvvəlcədən hazırlanmış sənədlərin imzalanması ilə nəticələnmədiyini yazıb. Qəzetin məlumatına görə, liderlərin danışıqları təxminən bir saat davam edib, lakin tərəflər heç bir razılığa gələ bilməyiblər ki, bu da Zelenskini məyus edib.

Oxumağa davam et
Reklam
Reklam

Gündəm

Aptekonline