ABŞ və İsrailin İranla münaqişəsi Avropanı parçalayır

ABŞ və İsrailin İranla münaqişəsinin kəskinləşməsi Avropada ifrat sağ siyasi qüvvələr arasında parçalanma yaradıb.

Publika.az xəbər verir ki, bu barədə “Politico” məlumat yayıb.

Bildirilib ki, Avropa siyasətçiləri Yaxın Şərqdə yeni münaqişənin regionu qeyri-sabitləşdirə və daha ciddi miqrasiya axınlarına səbəb ola biləcəyindən narahatdırlar.

“İfrat sağ qüvvələrin bir çoxu "Avropanın islamlaşması" adlandırdıqları prosesə qarşı çıxır və İsraili təbii müttəfiq kimi görür. Onlar həmçinin ABŞ-ın həddindən artıq imperial müdaxiləsi və baha başa gələn xarici siyasət avantüraları kimi təqdim etdikləri məsələlərə də qarşıdırlar”, - məlumatda qeyd olunub.

Fransada Milli Birlik partiyası faktiki olaraq İrana qarşı zərbələri dəstəkləyib. Almaniya üçün Alternativ (AfD) partiyası daxilində fikir ayrılıqları yaranıb. Rəhbərliyin bir hissəsi Yaxın Şərqdə eskalasiyanın dayandırılmasına çağırıb, partiyanın digər nümayəndələri isə Tehrana qarşı hərbi əməliyyatların dəstəklənməsinin tərəfdarı olublar.

Rumıniya və Niderlandda isə bəzi sağçı siyasətçilər əksinə, Vaşinqtonun kursunu açıq şəkildə dəstəkləyiblər.

Roza