Venesuelada böyük amnistiya aktı layihəsi hazırlanır

Venesuela hakimiyyəti ümumi amnistiya haqqında qanun layihəsi hazırlayır və sənədin yaxın vaxtlarda parlamentə təqdim olunacağı gözlənilir.

Publika.az "Venezolana de Television" televiziya kanalına istinadla xəbər verir ki, bunu prezident səlahiyyətlərini icra edən Delsi Rodrigez bildirib.

Ali Məhkəmədə məhkəmə ilinin açılışı mərasimində çıxış edən Rodriges bildirib ki, qanun siyasi qarşıdurmaların yaratdığı yaraların sağalmasına, ölkədə ədalət sisteminin yenidən istiqamətləndirilməsinə və venesuelalılar arasında dinc birgəyaşayışın bərpasına xidmət etməlidir.

Onun sözlərinə görə, məhbusların azadlığa buraxılması 1999-cu ildən bu günədək olan bütün siyasi zorakılıq dövrünü əhatə edəcək.

Amnistiya qərarı ABŞ-da həbsdə olan eks-prezident Nikolas Maduro ilə müzakirə edilib. Müzakirənin nə vaxt və hansı şəraitdə aparıldığı açıqlanmayıb.

Bundan əvvəl ABŞ Prezidenti Donald Tramp Delsi Rodrigesi “mükəmməl” müvəqqəti prezident adlandıraraq ona heyranlığını ifadə edib, həmçinin ABŞ qüvvələri tərəfindən ələ keçirilmiş tankerlərlə daşınan Venesuela neftinin gələcək taleyi barədə açıqlama verib.

Hüseyn İbadlı