Səudiyyə Ərəbistanından Trampa İranla bağlı xəbərdarlıq: Əgər dediyini etməsən...

Səudiyyə Ərəbistanının müdafiə naziri şahzadə Xalid bin Salman cümə günü Vaşinqtonda qapalı brifinqdə ABŞ prezidenti Donald Trampın İrana qarşı təhdidlərinə əməl etməsə, İran rejiminin sonda daha da güclənəcəyini bildirib.

Publika.az xəbər verir ki, bu barədə “Axios” görüşdə iştirak edən mənbələrə istinadən məlumat yayıb.

Nəşr qeyd edir ki, bu, Səudiyyə Ərəbistanının eskalasiyaya qarşı xəbərdarlıq edən açıq açıqlamaları və üç həftə əvvəl vəliəhd şahzadə Məhəmməd bin Salmanın Trampa bildirdiyi dərin narahatlığı ilə ziddiyyət təşkil edir. Bu xəbərdarlıq Trampın İran ərazisinə hücumları təxirə salmaq qərarına gəlməsinin səbəblərindən biri olub.

Vəliəhdin kiçik qardaşı və ən yaxın sirdaşı Şahzadə Xalid bin Salman, bölgə ABŞ-ın hərbi əməliyyatlarına hazırlaşdığı və Tehranın cavabının miqyasca "misli görünməmiş" olacağına söz verdiyi bir vaxtda İranla bağlı görüşlər keçirmək üçün Vaşinqtona səfər edib.

"İran həmişə razılaşma istəyir. Amma sual budur ki, siz hansı razılaşmanı istəyirsiniz? İran hansı razılaşmanı istəyir və ABŞ hansı razılaşmanı qəbul etməyə hazırdır? Bu, çox yaxşı sualdır və hazırda bunun bir araya gələcəyini görmürük", - deyə Körfəz dövlətinin rəsmisi bildirib.

Ağ Ev rəsmiləri Trampın hələ yekun qərar vermədiyini və diplomatiyaya əl atmağa hazır olduğunu israr etsələr də, Fars körfəzində ABŞ hərbi gücünün kütləvi şəkildə artırılmasını əmr edib.

Hazırda ABŞ və İran arasında ciddi birbaşa danışıqlar aparılmır. ABŞ rəsmiləri Tehranın maksimalist ABŞ şərtlərinə əsaslanan razılaşmada maraqlı olmadığını bildirirlər.

Tural