Rusiya bu Afrika ölkəsinin vətəndaşlarını da müharibəyə aparırmış

Keniya hökuməti Ukraynadakı münaqişəyə Keniya vətəndaşlarının cəlb edilməsi ilə bağlı Rusiya Federasiyası ilə danışıqlar aparmaq niyyətindədir.

Publika.az xəbər verir ki, hakimiyyət orqanları bildirir ki, bu fəaliyyətdə qanunsuz cəlbetmə şəbəkələri iştirak edir. Rusiya isə öz növbəsində bu cür hərəkətlərdə iştirakını inkar edir.

Keniyanın xarici işlər naziri Musaliya Mudavadi BBC-yə bildirib ki, Nayrobi vətəndaşlarının Ukraynada döyüşmək üçün cəlb edilməsi məsələsini Moskva ilə müzakirə etməyi planlaşdırır. O iddia edib ki, cəlbetmədə qeyri-rəsmi işəgötürmə agentlikləri iştirak edir.

Mudavadi qeyd edib ki, Keniya Rusiya ilə vətəndaşlarının işə götürülməsini qadağan edən razılaşma əldə etməyə çalışacaq. Rəsmi məlumatlara görə, təxminən 200 keniyalı işə götürülüb, lakin onlardan heç birinin ölkəni qanuni yollarla tərk etmədiyi vurğulanır. Keniya hakimiyyəti artıq qanunsuz əməliyyatlarda şübhəli bilinən 600-dən çox işə qəbul agentliyini bağlayıb və 27 nəfəri müharibə zonasından geri qaytarıb.

Nazir əlavə edib ki, bu təcrübəyə son qoyulmasının vacibliyini vurğulamaq üçün Moskvaya səfər etməyi planlaşdırıram.

Tural