Dünya

Xəbərdarlıq edildi: Bu gün axşam saatlarında Yer kürəsinə çatacaq

31 Mart 2026 12:58

Yer kürəsinə doğru hərəkət edən Günəş plazması səbəbindən yaxın günlərdə güclü qütb parıltılarının müşahidə olunacağı gözlənilir.

Publika.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası “Telegram” kanalında məlumat yayıb.

Məlumata görə, son 24 saat ərzində qeydə alınan ən mühüm hadisə 4 fevral tarixindən bəri ilk dəfə baş verən güclü Günəş alışması olub. Bu proses iri plazma emissiyası ilə müşayiət edilib. Alimlərin hesablamalarına əsasən, yaranan plazma buludu bu gün axşam saatlarında Yer kürəsinə çatacaq.

Qeyd olunur ki, sözügedən hadisə orta səviyyəli maqnit fırtınalarının yaranmasına səbəb ola bilər.

Alimlər əlavə ediblər ki, zərbə günün qaranlıq saatlarına təsadüf edəcəyi üçün, güclü qütb parıltılarının müşahidə olunması ehtimalı yüksəkdir.

Roza