Rusiyanın müttəfiqinin yanacaq ehtiyatı tam tükəndi: Gün ərzində 22 saat işıq olmur

Kubadakı bütün yanacaq ehtiyatları artıq tükənib.

Publika.az xəbər verir ki, bu barədə Kubanın Energetika Nazirliyinin rəhbəri Visente de la O Levi “RİA Novosti” agentliyinə bildirib.

Məsələ yanacaq yağı və dizel yanacağı da daxil olmaqla əsas malların çatışmazlığı ilə bağlıdır. "Bizdə olan tək şey yataqlarımızdan çıxarılan səmt qazı və istehsalı da artan daxili neftdir", - deyə nazir bildirib.

O əlavə edib ki, böhran ötən ilin dekabr ayından bəri xarici yanacaq tədarükünün olmaması səbəbindən yaranıb. Rusiya Kubaya yardım göstərən yeganə ölkə olub. Lakin Rusiyadan gələn böyük həcmdə, təxminən 100.000 ton neft mayın əvvəlinə qədər istehlak edilib.

Nazir qeyd edib ki, bu fonda paytaxt Havanada vəziyyət son dərəcə ağır olaraq qalır. O, şəhərdə elektrik kəsintilərinin gündə 20-22 saata çatdığını bildirib. “Bir çox elektrik stansiyalarının texniki vəziyyəti o qədər pisləşib ki, təkcə qazanlar sıradan çıxmır, hər şey sıradan çıxır", - deyə O Levi təəssüflə bildirib.

ABŞ hökuməti ada dövlətinə enerji blokadası tətbiq etdikdən sonra Rusiyanın müttəfiqi çətin vəziyyətə düşüb. Nəticədə Kuba əvvəllər ehtiyaclarının əhəmiyyətli bir hissəsini təmin edən Venesuela və Meksikadan neftə çıxışını itirib. Bildirilirdi ki, Havana Türkiyə hökuməti tərəfindən Kubaya göndərilən üzən elektrik stansiyasından elektrik enerjisi alacaq. Lakin O Levinin sözlərinə görə, bu, enerji böhranını həll etmək üçün kifayət deyil.

Müəllif: Tural