Avropa şirkətləri bu ölkədən maye qaz almaqda çətinlik çəkir

Avropa şirkətləri ABŞ-dan mayeləşdirilmiş təbii qazın (LNG) tədarükü ilə bağlı uzunmüddətli müqavilələr bağlamaqda getdikcə daha çox çətinliklə üzləşirlər.

Publika.az xəbər verir ki, bunu Yunanıstanın "Atlantic SEE LNG Trade" şirkətinin rəhbəri Aleksandros Eksarxu "Bloomberg" agentliyinə açıqlamasında deyib.

Onun sözlərinə görə, bu vəziyyət Asiya ölkələrinin LNG bazarında qiymət rəqabətini gücləndirməsi ilə əlaqədardır. Enerji resurslarına yüksək tələbat səbəbindən ABŞ ixracatçıları üçün maye qazı Avropadan daha çox Asiya bazarlarına satmaq sərfəli olub.

Eksarxu bildirib ki, qlobal qaz bazarında müşahidə olunan yüksək qiymət dəyişkənliyi də ABŞ tədarükçüləri ilə uzunmüddətli müqavilələrin bağlanmasını çətinləşdirir.

"İlin əvvəlində vəziyyət tam fərqli idi. Hazırda isə amerikalı tədarükçülər uzunmüddətli qiymət razılaşmalarına getməkdə daha az maraqlıdırlar", - deyə o vurğulayıb.

Şirkət rəhbərinin fikrincə, mövcud tendensiya Avropanın enerji təhlükəsizliyi ilə bağlı narahatlıqları daha da artırır.

Adəm