Kim Çen In dünyaya mesaj verdi: Nüvə gücünü sürətlə artırırıq
Bizi izləyin
Aptekonline

Dünya

Kim Çen In dünyaya mesaj verdi: Nüvə gücünü sürətlə artırırıq

Kim Çen In dünyaya mesaj verdi: Nüvə gücünü sürətlə artırırıq

Şimali Koreya lideri Kim Çen In ölkəsinin nüvə potensialını sürətlə artıracağını bəyan edib.

Publika.az xəbər verir ki, bu barədə Koreya Mərkəzi Teleqraf Agentliyi (KCNA) məlumat yayıb.

Kim Çen In bildirib ki, ABŞ-ın fəaliyyəti və Yaxın Şərqdə yaranmış “qanlı vəziyyət” fonunda Pxenyan daha güclü nüvə çəkindirmə mexanizmi qurmağa çalışır.

Şimali Koreya lideri həmçinin ABŞ və Cənubi Koreyanı Koreya yarımadasında gərginliyi artırmaqda ittiham edib. Onun sözlərinə görə, buna səbəb birgə hərbi təlimlər, kəşfiyyat fəaliyyəti və nüvə məsələləri üzrə məsləhətçi qrup çərçivəsində KXDR-ə qarşı detallı nüvə müharibəsi planlarının hazırlanmasıdır.

Agentliyin məlumatına görə, Kim Çen In əlavə edib ki, Vaşinqtonun siyasəti nəticəsində ABŞ-ın müttəfiqləri, o cümlədən Yaponiya mövcud vəziyyəti hərbi gücə çevrilmək yolunda maneələrin aradan qaldırılması üçün əlverişli imkan kimi qiymətləndirirlər.

Adəm

Oxumağa davam et
Reklam
Reklam

Gündəm

Aptekonline