İrandan ABŞ-a xəbərdarlıq: Nüvə proqramına davam etdiriləcək
Bizi izləyin

Dünya

İrandan ABŞ-a xəbərdarlıq: Nüvə proqramına davam etdiriləcək

ABŞ yeni sanksiyalar qəbul edəcəyi halda İran nüvə proqramının icrasını davam etdirəcək və sentrifuqaların sayını artıracaq.

Publika.az “Fars” agentliyinə istinadən xəbər verir ki, bu barədə İranın Xarici İşlər Nazirliyinin beynəlxalq təhlükəsizlik və siyasət departamentinin baş direktoru Həmin Baedinejad bildirib.

Departament rəhbəri qeyd edib ki, Tehran mart ayının sonunda nüvə proqramı üzrə “altılıq”la (BMT Təhlükəsizlik Şurasının beş daimi üzvü və Almaniya) keçiriləcək görüşdə yekun razılığın əldə olunacağına ümid edir.

“Biz hələ ki bütün fikir ayrılıqları barədə, o cümlədən uranın zənginləşdirilməsinin səviyyəsi və sanksiyaların ləğv edilməsi ilə bağlı ümumi fikrə gələ bilmədik. Amma martın sonuna kimi razılaşmanın ümumi siyasi çərçivəsini hazırlamaq üçün danışıqları ciddi şəkildə davam etdiririk”, - iranlı diplomat deyib.

Ömər Dağlı

Oxumağa davam et
Reklam
Reklam

Gündəm