Cümə namazı zamanı partlayış: 15 ölü, 50-dən çox yaralı
Bizi izləyin

Dünya

Cümə namazı zamanı partlayış: 15 ölü, 50-dən çox yaralı

Cümə namazı zamanı partlayış: 15 ölü, 50-dən çox yaralı

Pakistanda məsciddə partlayış olub.

Publika.az xəbər verir ki, bu barədə “Geo News” məlumat yayıb.

Hadisə Xeybər-Paxtunxva əyalətinin Kohat bölgəsində yerləşən məsciddə baş verib.

İlkin məlumata görə, partlayış nəticəsində 15 nəfər həyatını itirib, 50-dən çox yaralı xəstəxanaya yerləşdirilib.

Polis rəsmilərinin sözlərinə görə, güclü partlayış cümə namazı zamanı baş verib. Nəticədə məscidin qarşısında çuxur yaranıb, binanın xarici hissəsinə ciddi ziyan dəyib və divarlardan biri uçub.

Hadisədən sonra partlayışın baş verdiyi Kohat-Hanqu yolu nəqliyyatın hərəkəti üçün bağlanıb. Kohat Rayon Mərkəzi Xəstəxanasında isə fövqəladə vəziyyət elan edilib.

Bölgəyə əlavə təhlükəsizlik qüvvələri cəlb olunub. Hazırda ərazidə axtarış-xilasetmə işləri davam etdirilir.

Oxumağa davam et
Reklam
Reklam

Gündəm

Zəfaran Hospital
Səba