Bir ildə 670-dən çox bank bağlanıb - Çində nə baş verir?

Çində 2025-ci ildə 670-dən çox bank fəaliyyətini dayandırıb. Nəticədə ölkədəki bankların ümumi sayı təxminən dörddəbir azalıb.

Publika.az xəbər verir ki, “Financial Times” Çin Milli Maliyyə Tənzimləmə Administrasiyasına istinadən yazıb.

Nəşrin məlumatına görə, bankların bağlanması iqtisadi artımın yavaşlaması fonunda kiçik kredit təşkilatlarına nəzarətin gücləndirilməsi kampaniyasının bir hissəsidir. Ötən il bağlanan bankların demək olar ki, hamısı kənd rayonlarında fəaliyyət göstərib.

Sinqapur Milli Universitetinin Şərqi Asiya İnstitutunun baş dəvətli elmi əməkdaşı Ceyson Bedford bildirib ki, bank sektorundakı konsolidasiya tənzimləmənin sadələşdirilməsinə və mümkün likvidlik problemlərinin aradan qaldırılmasına yönəlib.

Qeyd edilir ki, kənd banklarının yenidən təşkili Çində iqtisadi şəraitin dəyişməsi ilə eyni vaxta təsadüf edib. Qəzet bu dəyişikliklərin əsas göstəricilərindən biri kimi daşınmaz əmlak bazarında əvvəlki sürətli artımın sona çatmasını göstərir.

Müəllif: Adəm