“Daha çox silah” siyasəti nəticə vermir? - Almaniya rəhbərliyinə sərt irad

Almaniya kansleri Fridrix Mertsin Kiyevə səfəri Berlinin Ukrayna siyasətinin səmərəliliyi ilə bağlı yeni suallar yaradıb.

Publika.az xəbər verir ki, “Berliner Zeitung” nəşrinin məlumatına görə, səfər Qərbin Ukraynaya dəstək strategiyasının ciddi böhranla üzləşdiyini göstərib.

Bildirilib ki, bu vəziyyət Rusiya qüvvələrinin cəbhədə irəliləyişi və Ukraynanın enerji infrastrukturunun dağıdılması fonunda baş verir.

Məqalədə Almaniya rəhbərliyinin Ukraynadakı vəziyyətə reaksiyası tənqid olunub. Qeyd olunub ki, cəbhədə ərazi itkisi, əsgər çatışmazlığı və ya şəhərlərin bombalanması kimi fərqli vəziyyətlərə Berlinin “daha çox silah” cavabı dəyişmir:

Nəşrin qənaətinə görə, siyasi qərarlarda çevikliyin olmaması Ukraynanın resurslarını tükəndirir və digər ölkələr üçün də ciddi problemlər yaradır.

Qeyd olunub ki, Kiyevə növbəti silah tədarüklərini müzakirə etmək məqsədi ilə gedən Qərb liderləri sonda döyüşlərin başa çatdırılması ilə bağlı çətin danışıqlar aparmaq üçün Moskva ilə də dialoqa hazır olmalıdırlar.

Müəllif: Roza