Dünya

Ərdoğan ermənilərin cavabını verdi - VİDEO

24 Aprel 2015 02:14

"Biz özümüzə günənirik, inanırıq. Bizim əcdadımız zülm edən olmayıb. Erməni diasporu Türkiyədə yaşayan 40 min erməni vətəndaşından soruşsun ki, Türkiyədə sizə qarşı zülm edən varmı?"

Publika.az xəbər verir ki, bu sözləri Türkiyə prezidenti Rəcəb Tayyib Ərdoğan Çanaqqala Sülh Zirvəsində çıxışı zamanı deyib. Prezident 1915-cil il hadisələri ilə bağlı erməni iddialarının hamısının əsassız olduğunu bildirib.

O dönəmdə baş verənlərin hamısının Türkiyə arxivlərində olduğunu deyə prezident Avropa Birliyinə xitabən rəsmi Ankaranın bütün arxivləri açmağa hazır olduğunu bir daha xatırladıb.

"O vaxt həyatını itirən ermənilər Osmanlı vətəndaşlarıdır. Tarixi kin və nifrət halına gətirmənin ermənilərə heç bir faydası yoxdur. Bu gün erməni iddialarına dəstək verən ölkələrin heç biri Türkiyə qədər təmiz tarixə malik deyil. Erməni toplumu ilə problemimiz yoxdur. Ortaq nöqtə tapacağımıza inanırıq", - Ərdoğan bildirib.