Bəşəriyyət qorxunc böhranla üz-üzə: Şirin suyu insanlardan çox onlar "içirmiş"

Qlobal su istehlakı son iki onillikdə təxminən 25% artıb. Bu artım təkcə məişət istifadəsinə deyil, həm də material istehsalına təsir göstərir, çünki sənaye getdikcə daha çox şirin su əldə edir.

Publika.az xəbər verir ki, bu həyəcanverici məlumat "Phys.org" nəşrində dərc edilən son hesabatda əks olunub.

Tədqiqatda iştirak edən alimlər qeyd edirlər ki, əsas səbəblərdən biri polad, sement, plastik, kağız, rezin kimi materialların sənaye istehsalının sürətlə artmasıdır. Məhz bu "vacib" materialların istehsalı su ehtiyatlarına əhəmiyyətli təsir göstərir.

Məlumatda bildirilir ki, ən çox su tutumlu material metaldır - xüsusilə polad, ondan sonra kağız və plastikdir.

Bu artımın coğrafiyası da narahatedicidir. Şərqi və Cənubi Asiya regionlarında, eləcə də Okeaniyada sənaye sektorunda şirin su istehlakında xüsusilə kəskin artım müşahidə olunur. Bu, xüsusilə narahatlıq doğurur, çünki bu ölkələrdə artıq ciddi su çatışmazlığı problemi əvvəldən var idi.

Ekspertlər xəbərdarlıq edirlər ki, bu tendensiya davam edərsə, məhdud su ehtiyatları uğrunda rəqabət güclənəcək. Xüsusilə təmiz suya çıxışın məhdud olduğu ölkələrdə ciddi problemlər gözlənilir.

Su istehlakı artdıqca, həm sənayedə, həm də dövlət idarəetməsi səviyyəsində daha əhatəli su səmərəliliyi strategiyalarına ehtiyac yaranır. Bunun həlli istehsalda su istehlakını azaldacaq texnologiyaların tətbiqindədir. Həmçinin dövlət də bu cür təşbbüslərə subsidiyalar, təşviqlər və qaydalar vasitəsilə dəstək verməlidir.

Hesabatda həmçinin vurğulanır ki, hazırda həssas bölgələrdə ciddi su böhranı riski artır.

Adəm