Ekologiya

Xəzərdə ekoloji fəlakət - Çimərliklərin 70 faizini bağladılar(Video)

29 Mart 2026 13:15

Xəzər dənizindəki çirklənmə səbəbindən Dağıstandakı çimərliklərin təxminən 70%-i bağlanıb.

Publika.az xəbər verir ki, bu barədə "Mash" Teleqram kanalı məlumat yayıb.

Qeyd edilib ki, Dağıstan sakinləri sahil xəttində kütləvi şəkildə ölmüş suiti və quş cəsədləri tapırlar. Heyvanların bəziləri yarımcan halda aşkarlanır. İlkin məlumatlara görə, heyvan ölümlərinə dənizə şəhər çirkab sularının axıdılması səbəb ola bilər.

"Mash"ın məlumatına görə, Mahaçqalada dəniz suyu nümunələri tələblərə tamamilə cavab vermir. Kaspiyskdə 37,5, Dərbənddə 11,1, İzberbaşda 25 və Kayakent rayonunda isə 40% tələblərə cavab verir. Teleqram kanalı qeyd edib ki, yerli sakinlər və turistlər dəfələrlə dənizin çirklənməsi barədə hakimiyyət orqanlarına məlumat veriblər, lakin problem hələ də qalmaqdadır.

Tural