Ali məktəblərə dövlət sifarişli yerlərin sayı AÇIQLANDI

Ali məktəblərə dövlət sifarişli yerlərin sayı ilə bağlı məlumatlar açıqlanıb.

Publika.az xəbər verir ki, bu barədə Dövlət İmtahan Mərkəzi «Abituriyent» jurnalının 4-cü nömrəsində bu barədə məlumat verilib.

Jurnalın bu nömrəsində 2017/2018-ci tədris ili üçün Azərbaycan Respublikasının ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi elanı, “Abituriyentin elektron ixtisas seçimi ərizəsi”nin doldurulma qaydası, ali təhsil müəssisələrinə qəbul aparılan ixtisaslar, dövlət sifarişi ilə tələbə qəbulunun proqnozu çap edilib. Bu nömrədə, həmçinin Türkiyə Respublikası Jandarm Baş Komandanlığının Jandarm və Sahil Təhlükəsizlik Akademiyasına kursant qəbulu qaydaları, Tibb Elmləri Universitetinin Gülhanə Tibb Fakültəsinə kursant qəbulu qaydaları və digər zəruri materiallar təqdim olunub.

2016-ci ilin tələbə qəbulu müsabiqəsində ali təhsil müəssisələrinin ixtisaslarıüzrə formalaşmış keçid balları “Abituriyent” jurnalının 2017-ci il 2-ci nömrəsində dərc edilib.