Elm və təhsil

Bu tələbələrə imkan yaradılsın - Aydın Mirzəzadə

22 İyun 2021 12:00

182 min doktorant var. Düşünürəm ki, balı yüksək olanlara yox, maddi imkanı aşağı olanlara kömək etmək lazımdır. Təhsil Nazirliyinin bu məsələni diqqətdə saxlamasını xahiş edirəm.

Publika.az xəbər verir ki, bunu Milli Məclisin deputatı Aydın Mirzəzadə parlamentin bu gün keçirilən növbədənkənar sessiyasında tələbə kreditləri haqda danışarkən deyib.

Millət vəkili hərbi xidmətə getdiyinə görə sonradan təhsil ala bilməyən gənclərin problemlərinə də diqqət çəkib: “Bir çox gənclər hərbi xidmətdən qayıtdıqdan sonra təhsillərini davam etdirə bilmirlər. Təhsil Tələbə Kredit Fondu ilk növbədə onlara imkan yaratmalıdır. Halbuki, həmin gənclər gələcəkdə yaxşı mütəxəssis, dövlət işçiləri ola bilər”.