Bağça müəllimlərinin sertifikatlaşdırılması iki mərhələdə keçiriləcək
Bizi izləyin

Elm və təhsil

Bağça müəllimlərinin sertifikatlaşdırılması iki mərhələdə keçiriləcək

Bağça müəllimlərinin sertifikatlaşdırılması iki mərhələdə keçiriləcək

Bağça müəllimlərinin sertifikatlaşdırılması məktəb müəllimlərində olduğu kimi iki mərhələdə keçiriləcək.

Publika.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov İctimai Televiziyada yayımlanan “Pressinq” verilişində deyib.

O bildirib ki, sertifikatlaşdırma prosesinə təxminən 12 min tərbiyəçi-müəllimin cəlb olunması nəzərdə tutulur.

E.Bağırovun sözlərinə görə, prosesin ilk mərhələsində test imtahanı keçiriləcək, daha sonra isə müsahibə təşkil olunacaq.

Agentlik rəhbəri qeyd edib ki, sertifikatlaşdırmanın noyabr ayında keçirilməsi və həmin ay ərzində başa çatdırılması planlaşdırılır.

Onun sözlərinə görə, tərbiyəçi-müəllimlərə proseslə bağlı əvvəlcədən dəvət göndəriləcək və sertifikatlaşdırma barədə ən azı bir ay öncədən məlumat veriləcək.

Oxumağa davam et
Reklam
Reklam

Gündəm

Zəfaran Hospital
Səba