Saç tökülməsinin qarşısını necə almalı? - MƏSLƏHƏT

Saç tökülməsinin səhv müalicəsi immunitetin zəifləməsi və sonsuzluq kimi ağır nəticələrə gətirib çıxara bilər.

Publika.az xəbər verir ki, bu sözləri həkim-dermatoloq Yuliya Sokolova deyib. Ekspert qeyd edib ki, saç tökülməsinə təsir edən bir çox amillər var.

"Təəssüf ki, bir çox amillər saç tökülməsinə təsir göstərir. Bu səbəbdən kifayət qədər ətraflı anemnezə ehtiyac var və bir qayda olaraq, saçın uzanması dövrünə təsir edən əsas səbəbləri müəyyən etmək üçün qan testləri təyin olunur", - Sokolova vurğulayıb.

Həmçinin həkim saç tökülməsini dayandıran vasitələri açıqlayıb. Bunlara maskalar, losyonlar və düzgün seçilmiş şampunlar daxildir. Bundan əlavə, mütəxəssis qeyd edib ki, klinikalarda xəstəyə fiziki təsirlər və terapevtik preparatlar, o cümlədən iynələr ilə qulluq təyin edilə bilər.

Evdə iri dəniz duzu, istiot cövhəri və nikotinik turşu sürtmək təsirli olur. Ancaq həssaslığı nəzərə almadan, bu cür müalicə bir insana zərər verə, xüsusən də kontakt dermatitlə nəticələnə bilər.