Dərinizi yaza belə hazırlayın

Qışda soyuq havaya məruz qalan dəri donur, isti mənzildə isə qurumağa başladığı üçün çox amansız sınaqlardan keçir. Odur ki, yazda üzün və bədənin xüsusi qayğıya ehtiyacı yaranır.

Publika.az xəbər verir ki, bu sözləri kosmetoloq, dermatoloq Yelena Boqatova deyib. Ekspert dəriyə qulluq üçün beş sadə və təsirli qaydanı açıqlayıb.

1. Düzgün təmizləmə

Qışda bir çox sınaqlarla üzləşən dəri həm vitamin çatışmazlığındən əziyyət çəkir, həm də çox yorulur. Bir kosmetoloq kimi xatırlatmalıyam ki, yazda üzün və bədənin xüsusi dəstəyə ehtiyacı var. Dəri qulluğuna birinci düzgün təmizləmə ilə başlamaq lazımdır.

Qışda epidermis daha həssas olduğu üçün təmizləmə prosedurları yazda edilməlidir. Yaz aylarında təmizləyici köpüklərdən, gellərdən, süddən istifadə etməlisiniz, lakin çox sərt olmalı deyil. Son mərhələdə pH balansını bərpa etmək üçün tonik barədə unutmayın.

2. Yaxşı nəmləndirmə

Zəngin teksturaya malik kremlər, kollagen və niasinamidlə zənginləşdirilmiş gialuron turşusuna əsaslanan yüngül gelə bənzər kremlərlə əvəz edilməlidir. Onlar məsamələri bağlamayacaqlar. Epidermisin həddindən artıq qurumasının qarşısını almaq üçün çoxlu su içmək də lazımdır. Hətta suya təbii vitaminlər əlavə edə bilərsiniz - giləmeyvə, meyvə parçaları.

3. Pilinq

Yaza qədər dəridə çoxlu keratinləşdirilmiş hissəciklər toplanır, quruyur və buna görə də ölü hüceyrələri aşındırmaq lazımdır. Dirsəkləri, ayaqları və dizləri adi skrablarla təmizləmək olarsa, üzdəki prosedur üçün daha yumşaq termal pastalar və ya soyma maskaları, vitaminlər kompleksi lazımdır. Ancaq proseduru mümkün qədər səmərəli həyata keçirəcək peşəkar kosmetoloqlara müraciət edin.

4.UV qorunması

Günəşin zərərli şüalarından qoruyan SPF tərkibli kremlər dərinin yuxarı təbəqələrinə nüfuz edərək ləkələrin rəngini açır. Buna görə də günəşdən qoruyucu və losyonlara laqeyd yanaşmamalısınız. Eyni zamanda, SPF səviyyəsinə diqqət yetirməlisiniz - dərinin fotoyaşlanması və susuz qalmasının qarşısını almaq üçün onun indeksi 30-dan az olmamalıdır.

5. Dərinin düzgün qidalanması

Qışda bədən az miqdarda qida maddələri qəbul edir, bu da dəri rənginin solğun görünməsinə səbəb olur. Düzgün seçilmiş vitamin serumları və yüngül teksturalı, həmçinin tərkibində A, C, E vitaminləri, gialuron turşusu, makadamiya yağı olan zərdabar bunu düzəldəcək. Doymamış yağ turşuları olan maskalar da effektlidir.

Meyvə-tərəvəzə üstünlük verməyi diqqətdən qaçırmayın. Onlar dərinizi əlavə antioksidantlar, nəm və vitaminlərlə təmin edəcək.

Aytən Məftun