Alimlər "solmayan" gənclik kodunu açıqladı

Novosibirsk Milli Genetik Tədqiqatlar Mərkəzinin genetik və tibbi məsləhətçisi İnna Xolandranın sözlərinə görə, vaxtından əvvəl qocalmanın əsas səbəbi iki əsas dəri zülalı ilə bağlı problemlərdir. Söhbət kollagen və elastindən gedir.

Publika.az xəbər verir ki, həkim kollageni binanın armaturuyla müqayisə edib.

"Kollagen və elastin dərini gücləndirir. Elastin toxumaların uzanmasına və sonra yenidən orijinal vəziyyətinə qayıtmasına imkan verir", - mütəxəssis bildirib.

Genetik qeyd edib ki, kollagenin çatışmazlığı nəinki özünü vaxtından əvvəl qocalmanın əlamətləri kimi göstərir, həm də osteoporoza gətirib çıxarır və sınıq riskini artırır. Həkim bildirib ki, belə problemi olan insanlara dərin pilinq, botoks inyeksiyaları və digər travmatik kosmetik prosedurlar olmaz. Öz növbəsində, elastin çatışmazlığı nəticəsində damarların divarlarının zədələnməsi, dəridə sallanma və daxili orqanların prolapsı baş verir.

Həkim bədəni bu zülallarla təmin etmək və onları normal səviyyədə saxlamaq üçün bəzi məsləhətlər verib. Xüsusilə kollagenin vəziyyətini yaxşılaşdırmaq üçün o, hialuron turşusu (biorevitalizasiya) ilə preparatların profilaktik subkutan tətbiqini, hidrolizə edilmiş kollagen ilə qida əlavələrini qəbul etməyi tövsiyə edib. Ekspert əlavə edib ki, amin turşusu kokteylləri, C vitamini, həmçinin hidrolizə edilmiş elastinin mikroinyeksiyaları bədəni elastinlə təmin etməyə kömək edəcək. Bundan əlavə, həkim vurğulayıb ki, yaşıl çay, sitrus meyvələri, qaragilə, kərəviz, brokoli, gül kələm və təbii antioksidantları yüksək olan digər qidalar belə dəri problemlərində çox faydalıdır. Genetik əlavə edib ki, ultrabənövşəyi şüalanma elastinə zərər verir, ona görə də SPF kremlərindən təkcə çimərlikdə deyil, ümumiyyətlə, küçəyə çıxmazdan əvvəl hər dəfə istifadə etmək lazımdır.

Aytən Məftun