Gözəllik

Həkim dərini cavanlaşdırmağın iki təsirli yolunu açıqladı

23 Mart 2023 20:29

Həkim Cinni Mansberq yetkinlik dövründə dərini cavanlaşdırmağın iki təsirli yolunu açıqlayıb.

Publika.az xəbər verir ki, bu barədə məlumat "Express.ru"da yayımlanıb. Mütəxəssisin fikrincə, 50 yaşdan yuxarı insanlar tərkibində retinol olan dəriyə qulluq məhsullarına diqqət yetirməlidirlər.

"Retinol qocalma əleyhinə təsirli bir tərkib hissəsidir, lakin həssas dəridə adətən qıcıqlanma və qızartıya səbəb olur" , - Mansberq xəbərdar edib.

Bundan əlavə, həkim qocalma əleyhinə preparatların dəriyə nüfuz etməsi üçün epidermisin yuxarı təbəqələrinə nazik iynələrlə çoxsaylı inyeksiyaların tətbiqindən ibarət olan mikro iynələmə prosedurunu sınamağı məsləhət görüb.

"Dərinin iynələrlə deşilməsi kiçik zədələrə səbəb olur. Dəri sağalmağa başlayanda, yeni epidermal hüceyrələrin meydana gəlməsini, kollagen və elastin istehsalını stimullaşdırır", - eskpert yekunda qeyd edib.

Aytən Məftun