Üz masajı ilə cavanlaşmaq mümkündür?

Cavanlaşdırıcı üz masajı son vaxtlar qadınlar arasında çox populyardır. Bütün dünyada xüsusi studiyalar açılır və getdikcə xanımları daha çox əmin edirlər ki, onlar bu gözəllik proseduru olmadan yaşaya bilməzlər.

Publika.az xəbər verir ki, kosmetoloq İrina Yaqodina "RİA Novosti"yə müsahibəsində bildirib ki, masajın köməyi ilə qırışların qarşısını almaq həqiqətən mümkündür. Məlum olub ki, həkim bu təcrübəyə qarşı deyil, lakin görünən nəticə yalnız bir sıra şərtlər yerinə yetirildikdə nəzərə çarpacaq.

"Əgər heç bir genetik meyillilik və ya qazanılmış patologiyalar yoxdursa, müntəzəm üz masajı, xüsusən də göz ətrafı, peşəkar kosmetika və lentlərlə birlikdə əla nəticə verir" , - kosmetoloq bildirib.

Cavanlaşmanın təsirini hiss etmək üçün Yaqodina prosedurlara vaxtında başlamağı tövsiyə edib. Ekspertin sözlərinə görə, qadının artıq dərin qırışları varsa, onda heç bir masaj burada kömək etməyəcək. Bundan əlavə, prosedurları müntəzəm təkrarlamaq və bunun üçün yalnız peşəkar mütəxəssislərə müraciət etmək lazımdır.

Aytən Məftun