Cərrahi yolla omba böyüdülməsinin gətirdiyi fəsadlar

Müasir plastik cərrahiyyənin arsenalı elə genişdir ki, həm gəncliyi qorumağa kömək edir, həm də təbiətin vermədiyi gözəlliyi bəşx edən bir sıra vasitələrə malikdir. Məsələn, son illərdə ombasını implantlarla daha həcmli etmək istəyənlərin və lipofillinq edənlərin sayı artıb.

Publika.az xəbər verir ki, bu sözləri plastik cərrah Nadejda Petraş Gazeta.ru-ya müsahibəsində danışıb. Ekspert həm də bu iki prosedurun üstünlükləri və mənfi cəhətlərindən danışıb.

İmplantlarla omba böyüdülməsi üçün silikon və ya digər maddələr daxil edilir. Petraşın sözlərinə görə, bu prosedur sürətli və effektli nəticələr istəyənlərin, həmçinin lipofillinq üçün kifayət qədər yağ ehtiyatı olmayan xəstələrin seçimi ola bilər.

"İmplantların köməyi ilə biz meqaseksual görünən dairəvi ombaları yarada bilərik. Bununla belə, bu cür əməliyyatlardan xəstələr çox vaxt qorxurlar. İmplantın mümkün ağırlaşmalara kapsul kontrakturası və sadə iltihab daxildir. İmplantların başqa bir dezavantajı odur ki, omba nahiyəsinə yerləşdirildikdən sonra tibbi səbəblər də daxil olmaqla, iynə vurmaq mümkün olmayacaq.

Omba nahiyəsinə implantların yerləşdirilməsi ağrı və daha uzun reabilitasiya ilə xarakterizə olunur ki, bu da xəstədən xüsusi səy tələb edir: məsələn, əməliyyatdan sonra siz bir ay otura bilməzsiniz, ancaq qarın üstə uzana bilərsiniz.

Lipofillinq isə liposaksiya yolu ilə xəstənin bədəninin digər hissələrindən olan piylərin çıxarılması və ölçülərini artırmaq üçün omba nahiyəsinə yeridilməsi əməliyyatıdır. Təbii nəticələr əldə etmək, eyni zamanda implantlarda olduğu kimi dərin cərrahi müdaxilədən qaçmaq istəyən xəstələrin bu prosedura üstünlük verməsi məsləhətdir.

Lipofillinqin çatışmazlıqları ola bilər, məsələn, prosedur üçün kifayət miqdarda yağların olmaması, həmçinin zamanla piy hüceyrələrinin rezorbsiya ehtimalı, bu da omba ölçüsünün azalmasına səbəb ola bilər. Lipofillinqin əsas çatışmazlığı nəticənin həmişə sabit olmamasıdır və istənilən effekti əldə etmək üçün iki və ya üç seans tələb oluna bilər", - cərrah xəbərdar edib.

Nadejda Petraşın sözlərinə görə, ombaların lipofillasiyası implantlarla müqayisədə daha az ağrılı prosedurdur və sürətli reabilitasiya ilə xarakterizə olunur.