Qız ki, kəkil çıxartdı... - O məşhur dəb qayıdır - FOTO

Kann Film Festivalı həm kino, həm də moda aləmi üçün eyni dərəcədə əhəmiyyətli bir hadisədir. Qırmızı xalçaya dəvət olunan ulduzlar hərtərəfli hazırlıqlara əvvəlcədən başlayır və imicini müasir tendensiyalara uyğun olaraq mütləq yeniləyirlər.

Publika.az xəbər verir ki, bu il Dua Lipanın Kanndakı çıxışı əlamətdar oldu. Müğənni ilk dəfə yeni sevgilisi, fransız rejissoru Roman Qavras ilə kamera qarşısına keçdi, həm "Donatella Versace" ilə birgə hazırladığı kolleksiyanı nümayiş etdirdi, həmçinin 90-cı illərdə trend olan uzun kəkil tendensiyasını geri qaytardı. Yeri gəlmişkən, 30 il əvvəl bu cür kəkillər Sara Cessika Parker və Pamela Andersonun obrazının ayrılmaz hissəsi idi. 90-cı illərdə Pamela həmişə uzun kəkil kəsdirir, onları iki tərəfə ayırır və bununla saçlarına həcm qazandırırdı.

Dua Lipa isə kəkildə fərqli bir üsula üstünlük verdi. O, kəkilini eyni şəkildə bölmələrə ayırıb, gözlərinin və alnının üzərinə düşməsinə icazə verdi. Bu üslubun rahat olub-olmayacağına hələ də əmin deyilik. Lakin imicinizi dəyişdirməyə qərar vermisinizsə, Pamelanın nümunəsinə diqqət yetirmək daha yaxşı olar.