Gözəllik

Nəm saçlar geri döndü - FOTO

4 İyul 2023 05:14

Yay saçları fenləmək və formaya salmaq üçün ideal vaxt deyil. Yüksək temperaturdan və yüksək rütubətdən tellər dərhal qıvrılır, mükəmməl düzləşdirilmiş saçlar belə dağılır. Evdən çıxdıqdan yarım saat sonra saçınız elə görünür ki, sanki heç fen dəyməyib. Xoşbəxtlikdən, mövcud tendensiyalar arasında nə istilikdən, nə rütubətdən, nə də küləkdən, hətta mülayim yağışdan qorxmayan üslublar var. Əlbəttə ki, biz nəm saç stilindən danışırıq.

Publika.az xəbər verir ki, arxaya daranmış və saç kremləri sayəsində nəm görüntüsü verilmiş düzümlər bu yay çox dəbdədir.

"Yaş saç" effekti heç vaxt moda arenasını tərk etmir. Əlbəttə ki, digər variantlar tez-tez tendensiyalar siyahısında birinci yerdə gəlir, lakin ən azı şouların kiçik bir hissəsində bu cür üslubu hər mövsüm tapa bilərsiniz. Ancaq bu dəfə nəm saçlar birinci yerə layiq görüldü. Onlar hər yerdədir: podiumlarda, qırmızı xalçada, moda paytaxtlarının küçələrində və influenserlərin sosial şəbəkələrində. Belə üslubun populyarlığı olduqca başa düşüləndir: onlar qeyri-adi görünür və istənilən obrazı effektiv şəkildə tamamlayır, eyni zamanda çox qalıcıdır. Səhər saatlarında saçınıza nəm görüntü vermək günün sonuna qədər saçlarınız üçün narahat olmaqdan xilas edəcək.

2023-cü ilin yaz-yay mövsümündə podiumlarda onun ən dəbli variantı arxaya daranmış saçlardır. Nümunə üçün bir neçə foto seçmişik. Siz bu üslublardan hər hansı birini asanlıqla təkrarlaya bilərsiniz. Əlbəttə ki, mükəmməl olmasını istəyirsinizsə, bir neçə məşq lazımdır. İlk dəfə edirsinizsə, maye məhsulları kiçik hissələrlə tətbiq edin ki, sonda nə qədər məhsula ehtiyacınız olduğunu aydın başa düşəsiniz. Bu vəziyyətdə əsas odur ki, krem və saç gellərinin miqdarını aşmayasınız. Saçda kosmetik məhsul çox olarsa, dəbli görünmək yerinə, sadəcə kirli və yağlı bir saç effekti verəcək.