Bu, qanunsuz ticarətdir - Həkim marketlərdə tibbi məhsulların satılmasına ETİRAZ ETDİ

Bazarlarda dodaqları böyüdən dolğular peyda olub. Dermatoloq Natalya Yakovleva xəbərdarlıq edib ki, bu cür inyeksiyaları xəstənin özünün müstəqil şəkildə həyata keçirməsi hətta ölümlə nəticələnə bilər.

Publika.az xəbər verir ki, həkim bu barədə "Говорит Москва"ya müsahibəsində deyib.

Ekspert hesab edir ki, bu cür vəsaitlərin internetdə satışı qanunsuzdur. Onun fikrincə, bu məhsullar tibbi təyinatlı dərmanlara aiddir. Onlar apteklərdə və ya ixtisaslaşmış distribyutorlarda və lazımi ixtisaslara malik mütəxəssislər tərəfindən həyata keçirilməlidir. Əks halda ciddi fəsadlar yarana bilər.

"Bu, əlbəttə ki, bir növ infeksiya ehtimalından tutmuş ölümə qədər təhlükəlidir. Hər bir ağlı başında olan insan başa düşür ki, bu, tibbi təhsili və müvafiq ixtisası olan şəxsin təhlükəsiz şəraitdə, sertifikatlaşdırılmış və sübut olunmuş dərmanlarla həyata keçirilməli olan tibbi prosedurdur. Belə bir vasitələrin marketlərdə artıq mövcud olduğunu eşidirəm. Təbii ki, bu, qeyri-qanuni ticarətdir, çünki dolğuların daxil olduğu tibbi məhsullar ya apteklərdə, ya da tibbi məhsulların ixtisaslaşmış distribyutorları vasitəsilə satılır", - o, yekunda bildirib.

Aytən