Gözəllik

"Barbi" manikürü bu yayın trendi olacaq - FOTO

15 İyul 2023 16:23

Ən son filmlərin siyahısını izləməsəniz belə, yəqin ki, Qreta Qerviqin "Barbie" filmi haqqında eşitmisiniz. Baş rolda Marqo Robbinin oynadığı məşhur kuklanın hekayəsi şübhəsiz ki, ilin və bəlkə də son bir neçə ilin ən çox gözlənilən filminə çevrilib. Ətrafında belə bir ajiotaj yaranan "Barbi"nin obrazları artıq trendlər arasında yer alıb.

Publika.az xarici mətbuata istinadən xəbər verir ki, Marqo Robbinin kəskin şəkildə artan populyarlığı ilə birlikdə, barbi saçları, makiyajı, hətta manikürü də aktual olmağa başlayıb. Əgər kukla obrazına bürünməyə hazır deyilsinizsə və ya sadəcə çəhrayı rəngi çox sevmirsinizsə, sizə manikürdən başlamağı məsləhət görürük. Məsələn, Marqo Robbinin bu yaxınlarda seçdiyi sadə və lakonik manikürü hər bir obrazla uyğunlaşacaq.

Bu yaxınlarda filmin reklam kampaniyası çərçivəsində Seula yollanan aktrisa ənənəvi olaraq orijinal kuklanın obrazından ilhamlanan paltar geyinib və onu təsirli manikürlə tamamlayıb. Marqonun dırnaqlarının əsas hissəsi açıq çəhrayı lak ilə örtülüb və "ucları" vəziyyətə ən uyğun olan "Barbie Pink" adlanan rəngə boyanıb. Biz fransız manikürünü uzun dırnaqlarda görməyə öyrəşmişik, lakin bu seçim Marqonun kifayət qədər qısa dırnaqlarında gözəl görünür.

Aktrisanın etdiyi kimi onlara oval forma verə bilərsiniz və ya yumşaq kvadrat seçə bilərsiniz, bu seçim daha rahatdır, lakin effekt baxımdan heç də o birindən geri qalmır. Çalarlarla sınaqdan keçirməkdən qorxmayın: solğun çəhrayı və "Barbie Pink" birləşməsi sizin xoşunuza gəlmirsə, bu rəngin digər çalarlarını da sınaqdam keçirin. Onların bir-biri ilə ahəng içində olması vacibdir və onlardan biri daha tünd qalmalıdır. Bu dizayna səliqəli bəzəklər də əlavə edə bilərsiniz.