Bu məşhur bahalaşmaya üsyan etdi: Psixologiyanıza zərər vuracaq

Məşhur model, aktrisa və müğənni Defne Samyeli nəmləndirici kremnin 5 min TL-yə (təxminən 315 manat) satılmasına üsyan edib.

Publika.az Türkiyə mediasına istinadən xəbər verir ki, yutub kanalında veriliş açan məşhur kosmetik məhsulların qiymətlərindən söz açıb. Gözəlliklə bağlı tövsiyələr verən ulduz üz üçün nəmləndirici kremin satış qiymətinin 5 min TL-yə olmasından gileylənib.

"Dəri üçün bahalı, yoxsa evdə hazırlanan təbii maskalar təsirlidir?" sualına Samyeli belə cavab verib:

"Hamısını sınadım, hamısından eyni nəticə aldım. Yüksək büdcəli kremlərə inanmıram. Bu gün hər şey çox bahadır. Bir balaca qutu nəmləndirici kremdən min TL-dən (təxminən 63 manat) başlayır, çox lüks markaların kremləri isə 5 min TL-dir. Bu kremləri almaq lazım olub-olmadığını bilmirəm. Əgər bahalı kremlərə pul vermək sizin ürəyinizə xal salırsa, onu məsləhət görmürəm. Dərinizə fayda verməkdənsə, psixologiyanıza zərər vuracaq".

Məlumat üçün bildirək ki, Defne Samyeli 51 yaşındadır. O, bu yaşda belə cavan qala bilməsini üz yoqasına və idmana borcludur.