Parfümer kosmetikanın tərkibindəki təhlükəli maddələrdən danışdı

Kosmetikanın tərkibində bədənə böyük zərər verə biləcək bir sıra təhlükəli komponentlər ola bilər və onlardan biri alüminium xloriddir. Dezodorantlarda olan bu tərkib tərləməni ciddi şəkildə poza bilər.

Publika.az xəbər verir ki, bu barədə ətriyyatçı, aroma dizayneri və "By Kaori" brendinin təsisçisi Yuliya Velçeva-Lutak xəbərdarlıq edib.

O, izah edib ki, bu birləşmə məsamələri bağlayır və limfa sistemində pozğunluqlara səbəb olan nəmin bədəndən təbii şəkildə çıxarılmasının qarşısını alır. Bundan əlavə, bəzi sulfatlar da təhlükə saçır.

"Sulfatların qaşınma, quruluq və qabıqlanma kimi dəriyə mənfi təsirləri olduğu deyilir. Bu doğru deyil, yalnız iki növ sulfatdan ehtiyatla istifadə etmək lazımdır: lauril sulfat və lauret sulfat. Çox vaxt onlar SLS və SLES kimi təyin edilir", - Velçeva-Lutak Gazeta.ru-ya müsahibəsində bildirib.

Başqa bir komponent dimetikondur, onun yüksək konsentrasiyalarda istifadəsi məsamələri bağlaya bilər və bu cür məhsulların daimi istifadəsi səpgilərin yaranması riskini artırır.

Aytən Məftun