Bikinidə fotoları yayılan məşhurun gözəllik sirri: Məşqçisi açıqladı - FOTO

Bu yaxınlarda aktrisa Demi Mur nənə olub. Lakin bu, onun 20 yaş cavan görünməsinə mane olmur. Əlbəttə ki, bütün qadınlar kimi Hollivud ulduzunun da problemləri var. Bu qüsurlarını o, idmanla aradan qaldırır. Heç kimə sirr deyil ki, 60 yaşlı məşhur kino ulduzu Demi Mur dəfələrlə plastik cərrahların xidmətinə müraciət edib. Ancaq o, gözəl bədən quruluşunu saxlamaq üçün öz səylərinə də güvənir.

Publika.az xəbər verir ki, şəxsi məşqçisi Qreqor Jejon Roş ulduza mükəmməl "fiqurasını" qoruyub saxlmağa kömək edən üsulları bölüşüb. O bildirib ki, aktrisa qarın əzələlərini gücləndirən məşqlərə üstünlük verir. Eyni zamanda qolların sallanmasının qarşısını almaq üçün xüsusi hərəkətləri yerinə yetirir. Məşqçi məsləhət görüb ki, məşqi yerinə yetirərkən tələsmək lazım deyil, bütün əzələlərin gücləndiyini hiss etməlisiniz.

Bundan başqa, aktrisa yoqa ilə məşğul olur. Demi Murdan nümunə götürərək, məşqinizə qaçışı da daxil edə bilərsiniz, o, bikini zonasında əzələ tonunu mükəmməl inkişaf etdirir, qamətinizi isə daha da düzləşdirir.