Məşhur kino ulduzunun cavanlıq sirri bu imiş

Sağlamlıqla bağlı açıqlamaları ilə tez-tez gündəmə gələn prof. Dr. Osman Müftüoğlu əsfanəvi aktrisa Sofi Lorenin gözəllik sirrini bölüşüb.

Publika.az Türkiyə mediasına istinadən xəbər verir ki, professor Nefise Karatayın suallaırnı cavablandırarkən bildirib ki, Sofi Lorenin cavanlıq sirrini şəxsən özündən öyrənib. Mütəxəssisin sözlərinə görə, 2000-ci illərin əvvəllərində Sofi Loren ilə tanış olmaq imkanı qazanıb.

"Dərinin əsas qoruyucusu likopen antioksidantıdır. Ondan öyrəndim, Sofi Loren likopen sayəsində cavan qalır. 2000-ci illərin əvvəllərində Türkiyəyə gələndə söhbət etmək imkanım oldu, ondan soruşdum ki, dərinizi necə bu qədər gözəl saxlaya bilirsiniz. Türk qadınları bir xəzinənin içində yaşayır, amma dəyərini bilmirlər. Gənc aktrisa dedi ki, dərimi iki şeyə borcluyam, biri zeytun yağına, ikincisi isə pomidora. Sonrakı araşdırmalardan öyrəndik ki, pomidorda olan likopen və zeytun yağındakı polifenollar möcüzəvi təsirə malikdir", - ekspert vurğulayıb.