Amerikalı gözəl qüsursuz dərisinin sirrini açdı - FOTO

"Victoria's Secret"in bu yaxınlarda ikinci dəfə ana olan modeli - Karli Kloss yutub kanalında gözəllik sirrini bölüşüb.

Publika.az xarici mediaya istinadən xəbər verir ki, 31 yaşlı model hər səhər üzünə 20 saniyə buz ilə masaj etdiyini açıqlayıb. Buz masjından sonra dərisini təmizləyici maska ilə arındıran Kloss daha sonra nəmləndirici krem çəkdiyini ifadə edib. Qüsursuz bədən quruluşu ilə diqqət çəkən məşhur son olaraq üzünə soyuq masaj edərək makiyaja hazırlayır.

Karli Klossun sözlərinə görə, buz masajı qıcıqlanmış üzü sakitləşdirmək üçün əla antiinflamatuar kimi çıxış edir. Belə ki, istər sızanaqlarınız, istərsə də dəri səpkiləri varsa, üzünüzü buz ilə masaj etmək bu xəstəliklərdən qurtulmanıza kömək edəcək. Buz həm də şişkinliyi azaltmağa kömək edir, eyni zamanda parlaq və gənc dəri əldə etmək istəyirsinizsə, dəriyə qulluq rejiminizdə bu üsuldan müntəzəm istifadə möcüzələr yarada bilər.

Dəriniz solğundursa və parlaqlıqdan məhrumdursa, dermatoloqlar buz masajı etmək tövsiyə olunur. Bu zaman üzdə qan dövranı sürətlənir, oksigen dəri hüceyrələrinizə keçərək onları sağlam və parlaq edir. Buzlu su məsamələri də dərhal daraldır. İri məsamələrin görünüşünü azaldaraq dərinizə hamar bir görünüş verir.

İncə xəttlər və qırışlar kimi vaxtından əvvəl qocalma əlamətlərinin qarşısını almaq istəyirsinizsə, buzlu su əla üsuldur. Buzlu su dərinizin daha gənc görünməsini təmin edərək üz xətlərini kəskinləşdirir.

Üzdəki təbii yağlar və tər makiyajınızı poza bilər. Bundan əlavə, iri məsamələri olan xanımlar makiyajlarını tez-tez yeniləməli olurlar. Buzlu su təbii yağların funksiyasını bərpa edir və məsamələri minimuma endirərək makiyajınızın daha uzun müddət qalmasına imkan verir.