Koreya gözəllərinin 3 saniyəlik cavanlıq andı

Koreya gözəllik məhsulları bütün dünyada mağazalarda olsa da, ekspertlər hesab edir ki, onlar sağlam və parlaq dəri sağlamlıqlarını qidalanmalarına borcludur.

Publika.az xarici mətbuata istinadən xəbər verir ki, Koreyada dəriyə qulluq qaydaları ümumilikdə 10 addımdan ibarətdir. Onlar arasında üzün nəmləndirilməsi xüsusilə vacibdir. Əgər üz dərinizin hamar və elastik olmasını istəyirsinizsə, üzünüzü yuduqdan 3 saniyə sonra nəmləndirici çəkin. Bu şəkildə dəri kremi daha yaxşı və sürətlə əmir. Dərinin xarici təbəqəsi qalxan rolunu oynadığı üçün canlı hüceyrələrə və dəriyə qulluq maddələrinə müqavimət göstərə bilir.

Nəmləndirici kremin tez tətbiqi bir müddət sonra öz təsirini göstərəcək. Dərinizə parlaqlıq bəşx edəcək, eyni zaman dəri tonu yaxşılaşacaq. Nəmləndiricidən nizamsız istifadə etmək və ya düzgün istifadə etməmək dəri səthinin altındakı vəzlərin qurumasına və sebum əmələ gəlməsinə səbəb olur.

Bu 3 saniyəlik gözəllik andı ilə dəriniz əvvəlkindən daha canlı və sağlam görünəcək və həm də günəşdən qorunacaq.

Aytən Məftun