Nə yağış, nə külək, nə də qar dərinizə zərər verməyəcək - Bunu etsəniz

Payız ilin soyuq və küləkli vaxtıdır, bu zaman dərimiz havanın mənfi təsirlərinə daha çox məruz qalır.

Publika.az xəbər verir ki, kosmetoloq Vera Slabova "Подмосковье сегодня" nəşri ilə söhbətində bu dövrdə dəriyə düzgün qulluğun qaydalarından danışıb.

Mütəxəssis bildirib ki, ilk növbədə, effektiv bərpa üçün baxım siyahısına antioksidanlar və vitaminlər olan zərdablar əlavə etməliyik:

"Bütün bədənimiz kimi dəri də vitamin çatışmazlığından əziyyət çəkir. Odur ki, onu daxili vitamin ehtiyatları ilə qidalandırmağın vaxtıdır. Yağış, külək və ya qar həssas üz dərisini qıcıqlandıra bilər və bu halda yüngül krem ​​dərini qoruya bilməyəcək. Bu səbəbdən payızda yüngül maye kremlərdən daha qidalandırıcı kremlərə keçmək lazımdır.

Yay günəşinə məruz qaldıqdan sonra piqmentasiya ilə mübarizə aparan ağardıcı maskalardan, həmçinin tərkibində AHA turşuları olan təmizləyici vasitələrdən istifadə edin. Tərkibindəki retinola diqqət yetirməyə dəyər, dərini cavanlaşdırmaq və müalicə etmək üçün güclü bir vasitədir. Hər gün retinol tərkibli kremdən istifadə etmək qırışların və sızanaqların görünüşünü azalda bilər. Ancaq dərini yüngül serumlarla intensiv nəmləndirməyi unutmayın. Soyuq mövsümdə dərinin əlavə dəstəyə ehtiyacı olduğunu unutmayın", - Slabova yekunda vurğulayıb.

Aytən