Gözəllik

Yaşıl Əjdaha İli: 2024 simvolunun rəngində manikür ideyaları - FOTO

30 Noyabr 2023 18:00

Yeni İl obrazını ən xırda detallarınadək nə qədər tez düşünsəniz, onun hazırlanmasında bir o qədər az stress keçirəcəksiniz. Hələ də bayram üçün paltar seçməyə başlamamısınızsa, tələsməyə çalışın. İstənilən bayram obrazının vacib hissəsi manikürdür. Gümüşü parıltı və ya qırmızı manikür kimi klassik variantlar sizə çox darıxdırıcı görünürsə, daha qeyri-adi ideyalar təklif edə bilərik.

Publika.az xbər verir ki, dırnaq ustaları hesab edir ki, manikürdə gələn ilin simvolları xüsusilə aktualdır. Astroloqlar da o fikirdədir ki, bayram obrazını Yaşıl Taxta Əjdahanın sevdiyi rənglər əsasında hazırlamaq sahibinə şans və uğur gətirəcək. Yaşıl isə sirr deyil ki, Əjdahanın sevdiyi rənglər arasında birincidir.

Minimalistlər monoxromatik tərzi sevəcəklər. Bunun üçün zəngin, dərin yaşıl çalarları seçin, belə manikür dizaynsız belə çox təsirli görünəcək.

Dizayn baxımından da böyük seçim var. Əlbəttə ki, fransız manikürü bütün dünyanın modapərəstləri arasında ən populyarı olaraq qalır. Fransız manikürünün mikro və ya naxışlı mürəkkəb versiyası qısa dırnaqlarda belə istənilən effekti yaradacaq.

Dizaynı daha maraqlı etmək üçün yaşılın bir neçə çalarını birləşdirin. Pulcuq dizaynlı manikürlər də bu mövsüm trenddədir, ona görə də dırnaqlarınızda əjdaha dərisini yenidən yaratmağa cəhd edə bilərsiniz. Təbii ki, yaşıl olmaq şərtiylə.

Kiçik həcmli yaşıl strazlar da təsirli görünəcək, onları şəffaf bir bazanın üstünə yerləşdirin. Eləcə də müxtəlif abstrakt və həndəsi dizaynları diqqətdən kənar qoymayın.