Gözəllik

Dərini qışın soyuğundan qorumağın yolları

20 Dekabr 2023 16:53

Şaxta, külək və istilik sistemləri dəriyə mənfi təsir göstərir, odur ki, dərini hər gün nəmləndirməyi unutmayın. Xüsusilə qidalanmaya fikir verin və kifayət qədər su içməyə çalışın.

Publika.az xəbər verir ki, bu sözləri kosmetoloq Natalya Rudyka "RİA FederalPress"ə qışda dəriyə düzgün qulluq haqqında danışarkən deyib.

"Həmişə dərinin təmizlənməsinə diqqət etməli və qulluğa birinci bundan başlamalısınız. Əgər geldən istifadə etmisinizsə, indi daha yumşaq təmizləyiciyə keçməlisiniz: gel-krem, köpük, dəri yumşaldıcı süd", - mütəxəssis izah edib.

Onun sözlərinə görə, qışda daha yumşaq skrablara keçmək, ümumiyyətlə, onlardan daha az istifadə etmək lazımdır. Kremlərə gəldikdə, kosmetoloq aptek seriyasından olan yumşaldıcıları tövsiyə edib: onlar hipoalergenikdir və dərinin qoruyucu təbəqəsini bərpa edir. Kosmetoloq qışda dekorativ kosmetika üçün pudradan çox tonal kremə üstünlük verməyi və ən əsası krem əsaslı pomadalar almağı tövsiyə edib.

Aytən